Buscando o punto intermedio

Como todos veñen apuntando, o futuro do xornalismo está na rede. Pero ata o de agora ningún dos anteriores alumnos criticara de tal modo ó papel. Parece que estes dous perderon totalmente a confianza neste soporte, ó que se refiren como interesado e que só pensa nos cartos. Depositan toda a súa confianza en internet, aínda que quizás haxa que pensar que non é ouro todo o que reluce.

Escriben esta semana sobre o futuro do xornalismo dous xornalistas que perderon toda a fé no papel. Eles son Alba Pinto e Manuel Rodríguez, que non poden ocultar a súa decepción e o seu malestar co xornalismo impreso. Ambos están no certo cando critican o mercantilismo da información. Actualmente, os medios de comunicación teñen máis presente gañar diñeiro que facer unha información de calidade. Porén, o xornalismo na rede non é máis que a evolución do xornalismo en papel, polo que se ben levou con el moitas cousas boas da imprenta, non podemos negar que tamén adoptou algún dos seus peores vicios. É dicir, os que dirixen os medios na rede tamén perseguen gañar cartos, aínda que en moitas ocasión haxa que sacrificar información. Apunta Manuel ós sitios web onde se pode atopar contrainformación, pero isto tampouco é algo do que poida confiar a cegas, xa que se todo o emitido polas grandes empresas é demasiado negro, estes medios moitas veces denominados “alternativos” antóllanse en exceso moi moi brancos.

Quizás, o maior problema actualmente no mundo do xornalismo, é que non existen, a maioría das veces porque non dan beneficios, informacións que teñan a tonalidade xusta de gris.

Inquedanzas ante a inmensidade

Aínda que case todos apuntan que o futuro do xornalismo está na rede, aínda segue habendo moitos escépticos que rexeitan a inmersión total na rede. Aínda así, hai que pensar que o futuro do xornalismo segue estando nos xornalistas, e son eles os que teñen a solución.

Analizan desta volta o futuro do xornalismo Gemma R. Vega, Merce Rey e Borja Golán. No blog de Galicia Hoxe estes alumnos que están a punto de licenciarse mostran diferentes opinións sobre o que lles espera. A máis pesimista é Gemma, xa que mostra moi pouca ou ningunha confianza na información na rede, xa que fala de intereses ocultos que poden tender a modificar a información. Tamén lle preocupa que os xornalistas poidan ser reemplazados, sobre todo pola interactividade. Pensa que resulta unha ameaza. O contrapunto a isto pono Merce Rey, quen pensa que o que hai que facer para mellorar o xornalismo e diferenciarse. Ante tal saturación de información que existe no mundo do xornalismo, a solución está na man dos xornlistas que se queiran formar mellor para poder ofrecer mellores contidos.
Nesa mesma liña móstrase Borja Golán, que rexeita a idea de tomar internet como unha ameaza. Aínda así, cabe ter coidado xa que non todo o que se escribe na rede é veraz e de calidade, xa que internet provocou unha democratización na maneira de crear contidos que favorece a que haxa moita palla.

Un traductor moi útil e un creador de invitacións para os teus eventos

www.anyvite.com

1º Escoller o deseño de fondo e a foto principal. Pódese escoller unha da páxina ou importala do teu ordenador. Hai gran cantidade de deseños.

2º Trátase de poñer os datos da invitación. Quen a envía, para que é, a data, etc. Tamén escoller cantos invitados e o seu número máximo.

3º Neste paso hai que escoller ós invitados ós que lles enviarás a invitación poñendo os seus correos electrónicos. A aplicación dache a posibilidade de importar os teus contactos de correo. Algo moi útil.

4º Isto da paso a previsualización da túa invitación xa lista para enviar. Hai que comprobar se todo está ben e enviala. É moi sinxela.

Tamén da a posibilidade de rexistrarse e crease unha base de datos onde se gardan as invitacións que xa fixeches antes e as respostas que recibiches ás túas invitacións, podendo así xestionar o teu perfil como queiras.

www.nicetranslator.com

1º É moi sinxelo de usar, pero o mellor tradutor que atopei na rede. Simplemente tes que escribir o que queres traducir e a aplicación xa o vai facendo automaticamente

Ten a gran vantaxa de poder escoller varios idiomas e facer unha tradución simultaneamente en varios idiomas. Ademais, ten unha base de datos bastante completa en canto a idiomas. Non ten galego.

Tamén conta coa posibilidade de poder deixar comentarios e poñer o plugin da aplicación nun blog, por exemplo.

Fai falta orde entre tanto caos

Estamoso asistindo a unha saturación inmensa de informaición debido as facilidades que Internet da para escribir a todo o mundo. Aínda así, non todo o que se escribe é bo, e moitas cousas incluso levan á desinformación, é aí onde o papel do xornalista se antolla imprescindible, polo que é necesario que se deixe de menosprezar a súa figura.

Seguimos falando do futuro do xornalismo e esta semana é a quenda de Alba Chao, Alba Naveira e Fernando Barros. As dúas mozas reflexionan sobre a figura do xornalista e a súa situación. Ambalas dúas coinciden en que se están a presentar tempos dificiles con tanta evolución tecnolóxica e maremotos de información. Pero acertadamente penso que tamén se atreven a afirmar que ante tanto caos informativo, ante tanto caudal, vai ser aínda máis necesaria a figura de alguén que sepa contar as cousas que están ocorrendo, ademais de tamén saber seleccionar que feitos son importantes e de interese para a sociedade.
Ante este futuro, o que debe facer o xornalista é amoldarse ás novas maneiras de comunicar que vaian aparecendo, como xa fixo máis dunha vez, e terá que volver a facer.
Pola súa parte, Fernando reflexiona sobre o gran índice de intrusismo laboral que existe nesta profesión. Parece que neste país hai 47 millóns de xornalistas que saben de todo. Aí e onde temos que ser os propios xornalistas os que cambiemos iso. Temos que diferenciarnos do resto facendo un xornalismo de calidade para que a sociedade o teña fácil á hora de discernir o que é xornalismo do bo e o que é calquera cousa que alguén estea disposto a escribir.

O futuro do xornalismo está no xornalista

Cando falamos do futuro do xornalismo pouca xente fala da figura esencia do xornalista, xa que a web recolle toda atención. Aínda así, debemos ter en conta que a rede aínda conta con moitas limitación e erros, polo que os xornalistas do futuro deben preprarse o mellor posible para poder ofrecer a información do mellor xeito posible, sexa no medio que sexa.

Desta volta reflexionan sobre o futuro do xornalismo tres rapazas. Julia Fontenla, Verónica López e Laura Torres. No seu artigo no blog de Galicia Hoxe, tanto Julia como Verónica coinciden en sinalar que unha das claves do futuro do xornalismo é a calidade. Máis alá da evolución das tecnoloxías e o novo tratamento que se está a facer do xornalismo, as dúas ven unha clara necesidade de “mellorar a calidade do xornalismo e dos xornalistas”, di Julia, e tamén é importante “especializarse nunha área determinada” ante a competencia existente neste momento. Verónica engade tamén que a evolución que se está a producir no mundo do xornalismo debería tamén cambiar a metodoloxía de ensinanza nas universidades, xa que corre o perigo de quedar obsoleto.
Laura Torres, pola súa parte, reflexiona sobre as carencias que mostra o soporte electrónica, sempre asumindo que o futuro do xornalismo está aí, sempre e cando se melloren certas cousas. Sobre todo resalta a necesidade de deixar de empregar a web só como un medio onde volcar os contidos dos medios impresos, comezando a adquirir “novas teorías, rutinas e deseños” para poder así aproveitar toda a potencialidade desta nova linguaxe. Outra das cousas que se deberían mellorar é a saturación de información, xa que a web permite tal circulación de contidos que en moitas ocasión lévannos a unha desinformación.

Un futuro incerto... pero en galego

O xornalismo está evolucionando e a aparición das novas tecnoloxías fainos ver un futuro bastante incerto. O que si parece estar claro para todos é a necesidade da figura do xornalista, a cal se antolla imprescindible. Aínda así, ante tanta incerteza debemos comezar a ter en conta seriamente as posibilidades da nosa lingua.

Esta semana tocoulle a Rocío Álvarez, Marta Rial e Santiago Agra expoñer os seus pensamentos para o futuro no blog de Galicia Hoxe, O futuro do xornalismo.
Tanto Marta como Rocío fan unha reflexión bastante similar centrándose nos cambios que se están producindo na profesión coa evolución da tecnoloxía. Rocío ve ademais o contrapunto da saturación de información, que pode levar a desinformación, algo que se pode entender, xa que non temos nada que nos asegure que o que estamos vendo na rede sexa totalmente certo. Pola súa parte, Marta observa unha simple evolución como xa ocorreu tempos atrás, sempre que aparecían novos medios. Aínda así, ámbalas dúas coinciden en sinalar o papel imprescindible do xornalista, factor sen o cal non podería existir o xornalismo.
Porén, Santiago Agra parece ter algo máis claro cal é a mellor solución que debe tomar o xornalismo no futuro. Polo menos o xornalismo galego. Segundo o rapaz santiagués, que tamén conta cun blog persoal, o xornalismo galego ten que buscar a súa expansión aproveitando as posibilidades da lingua (tanto en África como en América) xa que “é un universo emerxente tanto política como economicamente”.
Son tres formas de ver o futuro do xornalismo pero todas coincidentes en algo, o futuro do xornalismo está na rede.

El mercantilismo informativo

La información, en tanto que valor económico, alteraba profundamente las leyes del capitalismo en la Sociedad de la información. J. Feather demostraba, frente a la ley de oferta y la demanda, cómo el valor de la información cuanto más accesible y pertinente sea12, un principio que ha pasado a conocerse como la ley Ruettgers. Por su parte, A. Cornellá ha registrado alguna de las nuevas leyes económicas que se esbozaban en un sistema que él denomina infonomía 13particularmente: la ley Metcalfe, por la que el valor de una red es proporcional al cuadrado del número de nodos incluidos en esa red, aun cuando a mayor número de nodos crecen directamente los problemas de accesibilidad, condicionando el valor (ley Lipman) ; la paradoja de Hayles, por la que a mayor complejidad de una red, crecen en razón directa las posibilidades de fallos, de modo que la red depende de la superposición de unas “capas” de infraestructura, cuya relevancia e importancia se hace tanto más invisible, cuanto más eficaces son. Se reconocen así los fundamentos de la “nueva economía”, la “e-economía” o la “economía del conocimiento”14, en la que las infraestructuras se unen a las infoestructuras, de modo que optimizan su rendimiento y valor, así como fomentan la competitividad mediante las “ideas”. Dos han sido los efectos más inmediatos de este mercantilismo:

a) La empresa red, cuya estructura organizativa es horizontal, como la red, formada por grupos de trabajo comunicados entre sí para el desempeño asociativo de tareas momentáneas y específicas 15. La empresa, mediante un sistema de comunicación digital sólido, coopera con una red de proveedores para la producción y otra de distribuidores para la comercialización. El comercio electrónico adquiere, por lo demás, tres tipologías: la venta directa (estilo Amazon.com), la subasta (estilo eBay), la fijación del precio por el consumidor (estilo Priceline). Naturalmente, ha cambiado radicalmente unaorganización empresarial donde las multinacionales se hacen menos competitivas, sustituidas por un modelo de gestión mediante los shareholders, que sustituyen el monopolio por el control de la cadena productiva por asociación cooperativa de agentes económicos.
b) Formación continua, por una nueva relación capital-trabajo. Se apunta una “brecha” laboral entre “trabajadores competentes” cuyo desempeño profesional implica un dominio experto de la información para la toma de decisiones, y unos “trabajadores capacitados”, hábiles en el manejo de herramientas informáticas, cuya actividad puede ser sustituida por el desarrollo tecnológico. En ambos casos, empero, la actividad laboral depende de la constante asimilación de las innovaciones mediante un aprendizaje permanente a lo largo de la vida. El modelo de desarrollo, pues, asume la existencia constante de un “paro técnico” por períodos necesarios para la formación, así como un modelo laboral flexible, atópico y ácrono, por cuanto los instrumentos digitales liberan de horarios y espacios fijos de trabajo.

O xornalismo busca a supervivencia

Nos últimos anos vense dando un debate sobre cal será o futuro do xornalismo. Como acabará a prensa? Que será dos xornalistas?... Preguntas ás que, sen tempo para atopar unha resposta, xa lles temos que facer fronte ante a evolución do mundo da comunicación.

Parece ser que o futuro xa chegou. Iso é o que expón Andrea Carcacía no seu artigo publicado para o suplemento Universidade de Galicia Hoxe. Afirma que Internet foi "o punto determinante" para os medios de comunicación, algo que podemos comprobar cada día, vendo como todos os xornais loitan pola hexemonía da rede.
No mesmo xornal tamén podemos ver a opinión de Karina Rivero, que se centra en rebatir a idea que se está a instaurar no mundo do xornalismo de que a prensa está practicamente morta. Resalta como elemento básico do triunfo da información na rede o feito de que os contidos sexan gratuitos, aínda que trata este mesmo factor para facer unha reflexión bastante acertada: "Acaso a prensa escrita vive das vendas dos xornais?". Para esta estudante o que está a pasar é un cambio, non unha desaparición, tanto da prensa, como dos xornalistas.
Andrea tamén reflexiona sobre o futuro dos artesáns da información, e móstranos algo de esperanza afirmando que "a figura do xornalista seguirá resultando imprescindible".
Atopámonos pois ante un futuro máis que inmediato no que tanto medios como xornalistas deben adaptarse ó cambio e evolucionar día a día como di Alberto Echaluce.

¿Cara onde imos?

Recén cumpridos os 22 anos, este mozo da Costa da Morte e apaixoado polos deportes está a punto de licenciarse e preséntase ante si un futuro bastante incerto. Sen moita opción no mundo laboral pola crise mundial que nos está afectando a todos, a mellor idea parece seguir formándose para estar o mellor preparado posible para cando nos chegue a oportunidade.
Algo parecido lle está a ocorrer ó xornalismo, afundido nunha crise propia ademais da mundial que fai que hoxe en día se cuestionen case todos os seus principios, onde parece que todo vale, a única saída posible é mellorar; traballar para ofrecer cada día algo mellor. Sexa na rede, onde agora é máis fácil ter éxito porque é o máis actual, pero tamén no resto de soportes, como a radio ou os xornais, que se van ter que esforzar para seguir tendo importancia na sociedade.
Teñen a solución nas súas mans, agora, e igual que todos os que estamos nunha situación similar, hai que decidir cara onde queremos ir e que queremos facer.

Recuperar a dignidade mirando ó futuro

Dous estudantes que están a punto de licenciarse falan da situación actual do xornalismo e como ven os próximos anos dunha profesión que se atopa en constante evolución, xa que é a única forma de supervivencia.

Dúas visións diferentes pero un só futuro, o xornalismo dixital. Déborah Castro e Duarte Romero dan a súa visión particular sobre o camiño que debe seguir o xornalismo no suplemento Universidade de Galicia Hoxe. Aínda así, os dous expresan unha visión diferente da situación actual dos informadores. Déborah explica a pobre situación da profesión, á que chega a calificar de "enferma de gravidade", destacando a precariedade laboral e o intrusismo como os seus maiores problemas. Duarte, pola súa parte, céntrase no momento de cambio que está vivindo o xornalismo e os xornalistas coa consolidación dos medios dixitais. O mozo de Narón aposta pola creación dunha nova linguaxe para facer xornalismo e non limitarse a unha simple "envorcadura na rede dos contidos en papel". E parece que non perde un tempo, xa que dende hai uns anos escribe un blog onde plasma os seus pensamentos e máis recentemente colabora co Cartafol da USC.
O que si nos queda claro é que o xornalismo necesita un cambio, tanto a profesión, actualmente moi desprestixiada, como na súa linguaxe. Déborah aporta unha solución, en principio, “sinxela”. Di que son os propios xornalistas os que teñen que recuperar a “dignidade da profesión” que para ela, e tomando unha frase do gran García Márquez, “é o mellor oficio do mundo”.

A participación do usuario en La Voz de Galicia

A edición electrónica de La Voz de Galicia posúe unha serie de ferramentas que lle facilitan ó usuario a interacción co medio. Os lectores desta edición electrónica poden participar deixando os seus comentarios en todas as noticias do xornal. Tan só deben deixar os seus datos e unha dirección de correo electrónico. Pero esta non é a única maneira na que o usuario pode deixar os seus comentarios se non que tamén pode facelo nos distintos blogs que se atopan ó longo do sitio web. Ademais, os usuarios poderán buscar anuncios ou publicalos na sección de clasificados, onde poden comprar ou vender cousas. Para isto, o xornal esixe un rexistro. As subseccións que hai son inmobiliaria, motor e emprego.

Pero tamén existen outros espazos de opinión nos que se formulan preguntas que o usuario debe respostar dentro das edicións locais que posúe La Voz de Galicia. Hai dende enquisas máis xerais sobre actualidade ata outras máis concretas. Entre elas, cabe destacar a sección Participa, aquí os internautas poden enviar as súas imaxes ou vídeos que sexan de carácter informativo, así como tamén exercer o seu voto a que será considerada a maior “chapuza galega” que existe. Os usuarios tamén poderán expresar a súa opinión acerca das preguntas que se formulan dentro desta páxina ou incluso poñerse en contacto cos seus seres queridos que están vivindo fora da comunidade galega. Ademais dentro deste apartado existen outras plataformas –Encontros, chat, Cuéntanos tus vacaciones, Cuéntalo tú- nas que o usuario pode achegar a súa opinión a través do correo electrónico; axudando así, a enriquecer o xornal.

En Encontros, as persoas que así o desexen poderán falar con persoeiros da actualidade galega formulándolle preguntas acerca da súa carreira profesional ou de outros asuntos. No caso da sección do Chat o usuario pode coñecer e conversar con outros internautas que escolleran este formato dixital, aínda que temos que dicir que de ningunha das veces que o intentamos puidemos abrir o chat. Pero isto non é o único que se pode facer dentro deste medio dixital, os usuarios tamén poden enviar as súas fotos do seu período de vacacións e unha breve reseña coas anécdotas que lles aconteceron ó espazo chamado Cuentános tus vacaciones, e por último, os usuarios tamén poden denunciar aqueles acontecementos que lles parecen inxuntos ou mandar o que eles consideran noticia na sección Cuéntalo tú. Esta última sección é semellante a Cartas al director xa que a finalidade desta ferramenta é opinar e denunciar aqueles aspectos que incomodan sobre a realidade que acontece. A única diferenza é que o escrito non pode superar as corenta liñas.

Cabe tamén comentar que, La Voz da a posibilidade de compartir as noticias nas diferentes redes sociais ou xornais colaborativas. (Facebook, Chuza, Menéame, etc.).

Feito por Jorge Lema e Mercedes Rey

O novo reitor da USC escollerase o 5 de maio

Os comicios, que contarán con máis candidatos que nunca, tamén servirán para escoller ós representantes da comunidade universitaria no Claustro.

As eleccións para escoller o novo reitor da USC xa teñen data. Será o próximo mércores 5 de maio, e sempre que non haxa unha segunda volta, cando remate o mandato de Senén Barro Ameneiro á fronte da Universidade. Serán estas, unhas eleccións que tamén servirán para renovar os membros do claustro.

Onte deuse a coñecer, por parte do propio Senén Barro, a resolución reitoral na que se convocan as eleccións e se detallan as datas clave na celebración dos comicios, que comezaron hoxe coa publicación do censo da universidade.

Ata o de agora hai catro aspirantes confirmados, pero non será ata o 19 de abril cando se proclamen os definitivamente os candidatos. Os que optan ó posto de reitor ou reitora son a exconselleira Laura Sánchez Piñón, a filóloga Mercedes Brea, Lourenzo Fernández Prieto e Jaime Gómez Márquez, que xa confirmaron a súa intención de presentarse. Ademais destes catro, xa confirmados, tamén parece posible que Juan Casares Long volva a presentarse despois de estar a punto de gañar nas últimas eleccións, no ano 2006.

Posible segunda volta
Este ano prevese que o resultado estea bastante igualado debido ó elevado número de candidatos, xa que é a primeira dende 1984 que se presentan máis de dous candidatos. Isto pode facer que o voto estea moi repartido e non haxa un vencedor na primeira volta, o que provocaría que se celebrara unha segunda volta. No caso de producirse, a data desta quedou fixada para o 24 de maio, onde se enfrontarán os dous candidatos máis votados na primeira volta, coñecéndose o vencedor o 4 de xuño.